Archive for ‘Lasarte-Oria’

2012/07/15

Parapetasonik 2.0

by Irakutrezin

Metalaren inguruan, nazioartean hainbat musika festibal egiten dira: Sonisphere eta MetalFest esaterako, Ipar Euskal Herrian ere badugu Heletan urtero egiten den Euskal Herria Zuzenean jaialdi indartsua eta Lasarte-Orian berriz, Parapetasonik egiten da; aurten bigarrenez egin den metal eta rock´n´roll jaialdia.

2010ean Parapetasonik-en lehen edizioa egin eta 2011ko lehortearen ostean, larunbatean burutu zuten bigarren edizioa herriko metal-zale gazteek antolatuta.
Guztira, herriko zein inguruko zortzi talde aritu ziren Parapetoko oholtza gainean ahots urratuz eta gitarra kolpe sendoez ikusleak dantzan eta kantuan jartzen.

Kontzertu sorta polita
Zortzi kontzertu ikusteko aukera izan zen larunbatean, BeHatxeRoja eta Bloody Brotherhood donostialdeatik, Black

read more »

2011/10/28

Londresen, bai, lasartear bat

by Irakutrezin

Iturria: Txintxarri aldizkaria

Kutremailea: Beñat Los Arcos

Utz iezadazue kontatzen, irakurleok, nik ere gustuko ditudala Olinpiar Jokoak. Nik ere ezagutzen ditudala Usain Bolt, Yelena Isinbayeva edo Kenenisa Bekele, baita beste asko ere. Ezagutzen ditudala Estatu Batuetako eta Espainiako saskibaloi selekzioak, Roger Federer eta Rafa Nadal. Baina badira beste hainbat kirol eta kirolari ere, hori baitira hain zuzen ere Olinpiar Jokoak, kirolen eta kirolari onenen bilgune.

read more »

Laburpen hitzak: , , ,
2011/06/29

Lasarte-Oriako San Pedro jaietako txupina

by Irakutrezin

Irakutrezineko kutremaileen partez, festak goza ditzazuela (bakoitzak bere herrikoak eta baita ingurukoak ere) !

Laburpen hitzak: , , , ,
2011/06/12

Maialen Chorraut herritarrak bosgarren amaitu du Europako piraguismo txapelketa

by Irakutrezin

Ur bizietako txapelketan brontzezko domina gertu izan arren, bosgarren postuarekin konformatu behar izan du lasartearrak. Seu d´Urgellen ari dira aipatu txapelketak ospatzen.

Zorionak Maialen! Segi horrela.

Maialen Chorraut-i elkarrizketa (Audioa)

Iturria: Hiru Erregeen Mahaia, Euskadi Irratia.

Laburpen hitzak: , , , , , ,
2011/04/26

Ane Labaka herritarrak irabazi du 40. Bertsolari Gazteen Osinalde Saria

by Irakutrezin

Ane Labakak irabazi du aurtengo 40. Bertsolari Gazteen Osinalde saria, larunbat gauean Gabirian jokatu zen saioan garaile atera ostean. Finalean, berarekin batera Urruñako Odei Barroso, Errezilgo Nekane Zinkunegi, Larraitzeko Adur Gorostidi, Gabiria bertako Endika Igarzabal eta Getxoko Arrate Illaro aritu ziren. Jokin Murua izan zen saioko gai-jartzailea eta 160 lagun inguru bildu ziren Osinalde elkartean afalostean egin zen finaleko bertsoak entzutera. Ez zen Labaka gaueko garaile bakarra izan, Endika Igarzabalek jaso baitzuen entzuleek emandako saria eta Odei Barrosok bere aldetik, bertsorik onenaren saria. Ane Labakak lehenengo aldiz parte hartu du sariketan eta nabari da buru belarri ari dela Gipuzkoako Txapelketa prestatzen, 18 lagunen artean jokatu den sarian txapelduna izan baita.

   
  Ane Labaka lasartearra Endika Igartzabal eta Odei Barroso alboan dituela
 

Bejondeizula Ane!

2011/04/18

Korrika Lasarte-Orian!

by Irakutrezin

Korrika 17 /2011-04-17

Euskalakariz blaitu genituen herriko kaleak!

Pirritx, Porrotx eta Marimototxek ere eraman zuten lekukoa

Korrika 17

Orain egunerokoan erabiltzea besterik ez zaigu geratzen. Aupa Lasarte!

Laburpen hitzak: , , , , ,
2011/04/01

Lasarte-Oriako XVIII. Bertsopaper Lehiaketa 2011 // Lan sarituak

by Irakutrezin

Gaurkoan Lasarte-Oriako XVIII. Bertsopaper Lehiaketako lan sarituekin gatozkizue.

__________________

 

Lapurra izatekotan

izan behar isila

polizia oso zaila

beti pistan bila

abogadoaren lagun

onena da sila

gauza asko daude ta

aukeratzen zaila

 

Andereñoa izaten

ume asko zaindu

modeloa izaten

denbora asko galdu

txirrindularitza da

azkar-azkar heldu

gaur erabakitzeak

zentzurik ba al du

Maialen Uribe (LH 5.maila)

__________________


Oso gaztea naiz ni

orain hamaika urte

gerora ikasleak

jasan beharko dute

nere zorroztasuna

maliziaren truke

handitan irakasle

izan nahiko nuke

 

Beti jarriko det nik

azterketa zaila

baina ni izango naiz

ona ta apala

umorez joango naiz

hori da normala

ni David, Unai eta

Izaskun bezala

Haizea Alvarez (LH6. maila)

__________________


Mubarak eta Gadafi

ez ditut batere maite

gerra guztiak askotan

gaizki bukatu ohi ute

sarri hainbeste hilketa

eta hainbeste atake

hiltzen dutenek bihotza

harriz egina daukate.

Gerrak utzi itzazue

oihuka dezagun fuerte

mundu osoan odola

isurtzen ari zarete

mundua aldatu dadin

arituko naiz jotake

bizirik dauden gerratan

bakea iritsi arte

 

Hila bonba jarri eta

mila ume hil dituzte

jendeari min egiten

gau ta egun diardute

aitona gerran hil zela

guraso(e)k esan digute

ta guztia puskatzeko

motibo gutxi daukate

baina ez dira geldituko

jende guztia hil arte

neri oilo haragia

jartzea lortu didate

gerra luzaro darama

ta hola segi dezake

ta mundua suntsituaz

min handia egin digute.

Lierni Rekondo (DBH 1. maila). Doinua: Habanera

__________________

 

Kaixo hemengo neska-mutilak

nik Iñigo dut izena

12 urtekin Landaberriko

ikastolan dabilena

gaur hemen nago zuen aurrean

kontatzeko nire pena

Zubietako errauskailua

hemen jarri nahi dutena

 

Ez nago ados Zubietako

errauskailuarekin

ez nago ados mendi hauetan

egin nahi digutenakin

gure herriak beteko dira

dena zabor ta hondakin

ikastola ere beteko zaigu

oso usai txarrarekin

 

Gure herria lehenago ere

dena fabrikaz betea

errauskailuak egingo dio

benetan errematea

entzun zazue politikoak

ta herriko alkatea

beste sistemak hobeak dira

hartzen atez atea

 

Agur hemengo neska-mutilei

ni banoa bihar arte

errauskailua jarriko dute

nahiz ta izan gure kalte

dena usai txar ta ke zikinaz

beteko dute Lasarte

hau da nik orain pentsatzetena

zuek zer uste dezute?

Iñigo Otaegi (DBH 2. maila)

__________________

 

Nire lagunarekin

oso haserre nago

eta jarraituko du

oso-oso luzaro

eta mutiko bat da

arrazoia klaro

gu biok konpontzeko

modurik ez dago

 

Mutiko hori polita

eta liraina da

ta asko gustatzen zait

bere begirada

eta berarengatik

borrokatzen gara

ta barkatuko diot

laster beharbada

Amaia Arruabarrena

 


Laburpen hitzak: , , , , ,
2011/01/24

Irakutrezin Aldizkaria – Edizio digitala

by Irakutrezin

Kaixo, mundua. Kaixo gazteak.

Hemen gaituzue Irakutrezin aldizkarikoak, blog berri honetan.

Gure webgunea: www.kuadrillategi.com da.

Lanean ari gara blog-a eskuragarri izan dezazuen ahalbait lasterren. Sarritan ikusiko garelakoan,

Laster arte!

Laburpen hitzak: , , , ,